بحاول إتشبّه فيها

بحاول إتشبّه فيها

بيخبرو عن مُرسَل بالصين كان مسافر بالقطار، وحَدّو كان قاعد صبي زغير. خلال السفر كان المرسل عم بيصلّي بكتابه، ومن دون ما ينتبه بتوقع من كتاب الصلاة صورة لمريم العذراء.

الصبي بيسأل المرسل: «مين هيدي السِتّ الحلوة؟» جاوب المرسَل: «هيدي إمّي».

بيقلّه الصبي بتعجّب: «بس ما بتشبهك بالمرّة».

قلّه المرسَل: «بكل صدق، إلي خمسين سنة عم حاول إتشبّه فيها».

الزوّادة بتقلّي وبتقلّك: «إذا فعلاً نحنا أبناء الآب، لازم نتشبّه فيه ونعمل أعماله، وإذا مريم إمنا، لازم نكون متواضعين متلها، ونحمل الرب لكل يلي نلتقي فيهن».

منقول